ВИДЕО: Панчев и Најдоски пред 29 години ја освоија светската титула!
На денешен ден (8 декември 1991 година) пред 29 години играчите на Црвена звезда се закитија со титулата светски шампион.
„Црвено-белите“, тогашните актуелни европски шампиони, во финалето на Интерконтиненталниот куп во Токио го совладаа јужноамериканскиот првак Коло Коло (Чиле) со 3:0.
Пред 60.000 гледачи во главниот град на Јапонија двоен стрелец беше Владимир Југовиќ во 19 и 58 минута, додека третиот погодок беше дело на Дарко Панчев во 72 минута од средбата после одличен контранапад и асистенцијата на Синиша Михајловиќ.
За Црвена звезда настапи уште еден Македонец, Илија Најдоски кој играше во делот на одбраната.
Стартниот состав на Црвена звезда против Коло Коло: Звонко Милојевиќ, Мидраг Белодедичи, Душко Радиновиќ, Илија Најдосоки, Горан Василијевиќ, Синиша Михајловиќ, Влада Стошиќ, Владимир Југовиќ, Милорад Ратковиќ, Дејан Савичевиќ, Дарко Панчев. Тренер: Владица Поповиќ.