Инцидент се случил вчера во трговскиот центар „Космос“ во Солун, кога се урнал дел од таванот на еден бар и тоа во момент кога таму имало голем број луѓе. Во инцидентот има повредена жена, која итно била пренесена во болница.

На видеото кое што го објави „Грчкаинфо“ на Фејсбук може да се види дека луѓето се во паника и врескаат.

Несреќата се случила на првиот кат, во делот каде што има ресторани и објекти за брза храна.

Во несреќата е повредена 45-годишна жена, која се здобила со повреди на главата и вратот. Како што е објавено, таа била свесна и со брза помош била пренесена во болницата Папаниколау.

Се уште нема информации за причините за уривањето на таванот, надлежните вршат увид и истражуваат за каков проблем станува збор.