Импозантната статуа на аргентинската фудбалска ѕвезда Лионел Меси, висока дури 20 метри, е отстранета од индискиот град Калкута откако стручни лица утврдиле дека претставува безбедносен ризик.

Споменикот, поставен во декември минатата година во индиската сојузна држава Западен Бенгал, привлече големо внимание во јавноста како дел од проектот „Најголем на сите времиња“, посветен на Aргентинецот.

Проблемите се појавиле кон крајот на мај, кога локалните жители пријавиле дека статуата видливо се ниша при посилни налети на ветер. По извршената инспекција од инженери на Одделот за јавни работи, било утврдено дека конструкцијата е сериозно оштетена и претставува потенцијална опасност за минувачите.

„Утврдено е дека статуата на аргентинската фудбалска легенда не е безбедна. Забележавме дека се ниша под влијание на ветерот“, изјавил пратеникот во парламентот на Западен Бенгал, Шарадват Мукерџи.

Дополнителен проблем претставувала и локацијата на споменикот, кој бил поставен покрај прометен пат и во близина на линија на подземната железница, поради што неговото отстранување барало посебни безбедносни мерки.

Пред демонтажата, конструкцијата изработена од стаклени влакна и железо била дополнително зацврстена со масивни најлонски јажиња, додека околу локацијата биле поставени заштитни бариери за да се спречи пристапот на граѓани и возила.

Massive statue of Lionel Messi dismantled in India after complaints from the locals.

21-meter (70 ft) tall sculpture in Kolkata had started posing risks due to swaying. pic.twitter.com/goTobsI0j8

— 5 канал 🇺🇦 (@5channel) June 2, 2026