Владимир Соловјов, руски државен ТВ водител и омилен новинар на претседателот Владимир Путин, од руската државна телевизија и радио повика на напад врз Лондон за време на говорот во кој ја критикуваше поддршката на западните земји за Украина.

„Можеме ли конечно да го нападнеме Лондон? Што е проблемот?“, ја праша Соловјов публиката за време на неговата емисија, чиј клип беше споделен вчера на Твитер со англиски превод од Антон Герашченко, советник на министерот за внатрешни работи на Украина.

Solovyev "bombs" London and British Parliament again. I've lost count already. pic.twitter.com/T6GN35UGtG

— Anton Gerashchenko (@Gerashchenko_en) February 12, 2023

„Не, не, не само воени цели, дури и парламентот“, додаде тој.

Соловјов продолжи со критиките за помошта што доаѓа од западните земји, која е една од неговите омилени теми откако Русија ја нападна Украина пред една година, и посочи дека тоа и овозможува на Украина да ги нападне териториите кои Западот не ги признава, како Крим.

„Па, тие ќе и дадат авиони на Украина за да удри длабоко во руска територија. Во исто време, тие лукаво велат: „Не, добро, ние едноставно не го признаваме Крим како Русија“, рече Соловјов.

„Сега вие ќе одредите што е Русија за нас? Тоа нема да го одреди народот на Русија, ниту референдум, ниту гласање, но вие ќе одредите што е Русија за нас?, запраша Соловјов.