Eкипата на Барселона со пресврт во вториот дел славеше победа против Рајо Ваљекано во натпреварот во кој свое деби запиша Дани Олмо.

Рајо одлично го започна натпреварот и по девет минути игра поведе со голот на Унаи Лопез.

Новото засилување на Барселона, Дани Олмо кој до ова коло не можеше да биде регистриран влезе во игра на почетокот на второто полувреме.

Израмнувањето стигна по еден час игра кога Рафиња по асистенција на Педри погоди за 1:1.

Победничкиот гол на Барселона беше дело токму на Олмо кој погоди во 82. минута по додавањето од Ламин Јамал.