Обвинителството презентираше уште еден, втор видеозапис од Ивана Јовановска во судница, на кој се гледа дека Ивана стои во ходникот пред вратата и се расправаат со Стојанче Јовановски. Таа е видно вознемирена, плаче, а Стојанче цело време ја снима и меѓу разговорите се смее.

Стојанче на видеото ѝ вели на Ивана „да му се тргне“, на што таа му одговара со плачење: „Што да ти се тргнам, што ме тепаш цело време?“.

На видеото Ивана ја поткрева блузата и пак ја спушта, а Јовановски цело време се смее. Ивана му вели: „Сега викна полиција и чекај си ја, да им кажеш што имаш направено, зашто ме истепа и ми викна полиција“.

Во еден момент што се гледа на видеото, Ивана му се обраќа на Стојанче со зборовите:

-По бубрези ме маваш зашто сам ми имаш кажано дека татко ти мавал по бубрези кога бил полицаец, за да не се познава.

Потоа го прашува:

-А по скали што ме бутна во болница пред сведоци што сакаше да ме убиеш и што те пријавив? Колку пати ме имаш тепано? Во систем колку пријави има дека има семејно насилство од твоја страна?

Нови снимки во судница: Стојанче Јовановски кај Кривичниот суд ја тепа Ивана со шлаканици, два часа пред самоубиството