Во јавноста се појави досега невидена снимка од соблекувалната на Реал Мадрид од полувремето на финалето во Лига на шампиони против Борусија Дортмунд пред две години.

При резултат 0-0, во моменти кога германскиот тим имаше подобра игра на теренот, атмосферата во соблекувалната била напната, но и полна со лидерство и верба. Во центарот на вниманието е тренерот Карло Анчелоти, кој со смирен пристап им даваше јасни тактички насоки на своите играчи, објаснувајќи како да одговорат на притисокот.

Голема улога во подигнувањето на духот има и капитенот Лука Модриќ, кој побарал од соиграчите ментална цврстина и подготвеност за „страдање“, нагласувајќи дека финале не се добива лесно. Со слични пораки се надоврзале и Дани Карвахал и Начо Фернандез, кои потенцирале дека најтешкиот дел е зад нив и дека второто полувреме е нивната шанса.

Токму таа верба, дисциплина и заедништво се покажаа како пресудни. „Кралевите“ во продолжението го свртеа натпреварот во своја корист и со головите на Карвахал во 73. и Винисиус Жуниор во 82. минута стигнаа до победа од 2-0 и нова, јубилејна 15-та европска титула.

[El Chiringuito TV] Newly released footage of Carlo Ancelotti’s Real Madrid at half-time in the UEFA Champions League final. They were drawing 0-0 against Dortmund (translation in body text).
by
u/Sparky-moon in
soccer