Синоќа во црквата и џамија Аја Софија беше подигната тревога, откако еден човек се обиде да запали оган во неа по ноќната молитва.

Според телевизијата „Екол“, која објави видео, маж со црвена капа влегол во Света Софија и запалил хартии покрај мермерен столб.

Пламенот веднаш го забележала жена која веднаш ги известила полицајците и тие го изгаснале пожарот пред да се прошири на тепихот.

Според турските медиуми, мажот го криел лицето од безбедносните камери. Со себе немал запаливи материјали или метални предмети и ја поминал проверката без да предизвика сомнеж. Се чини дека имал мали парчиња хартија во џебовите, кои ги запалил.

Се верува дека осомничениот, кој носел црвена капа, црна кошула и светли шорцеви, е странски државјанин.

Полицијата се обидува да го идентификува со преглед на видеото кадар по кадар, додека обезбедувањето во Света Софија е засилено.