Илјадници луѓе маршираа низ главниот град на Венецуела, Каракас, барајќи ослободување на претседателот Николас Мадуро и неговата сопруга, Силија Флорес, точно еден месец откако американските сили ја киднапираа двојката во крвав ноќен напад, пренесува Ал Џезира.

„Венецуела има потреба од Николас!“ скандираше толпата на демонстрациите вчера, наречени „Гран Марча“ (Големиот марш).

Multitudinaria movilización en Caracas

Trump pretendía acabar con el chavismo y terminó fortaleciéndolo. Estados Unidos secuestró a nuestro Líder PERO la conciencia sigue viva en el pueblo.

Exigen liberación de Maduro y Cilia
pic.twitter.com/Le1BOE3gfJ

— Vanessa Ortiz (@VanessaOrtizz) February 3, 2026

Илјадници луѓе носеа транспаренти во поддршка на киднапираниот претседател, а многумина носеа маици со кои се бараше враќање на двојката од притвор во американски затвор.

„Империјата ги киднапираше. Ги сакаме назад“, пишуваше на еден транспарент што го носеа учесниците на маршот.

Никос Мадуро Гера, син на притворениот претседател и член на Националното собрание на Венецуела, им се обрати на демонстрантите од бина, наведувајќи дека киднапирањето на неговиот татко од страна на американската војска на 3 јануари „ќе остане обележано како лузна на нашето лице, засекогаш“.

„Почвата на нашата татковина беше осквернавена од странска армија“, рече Мадуро Гера за ноќта кога американските сили го киднапираа неговиот татко.

Маршот, свикан од владата и во кој учествуваа многу вработени во јавниот сектор, се протегаше неколку стотици метри, придружуван од камиони со музика.

Локалниот медиум „Венецуела њуз“ објави дека маршот е дел од „глобалниот ден на акција“ за ослободување на двојката. Демонстрантите ја покажаа својата солидарност низ целиот свет, демонстрирајќи под транспаренти со слогани како „Вратете ги назад“ и „Рацете подалеку од Венецуела“.

Привремената претседателка на земјата, Делси Родригез, бара поблиски врски со Вашингтон, но нејзината влада продолжува да бара враќање на Николас Мадуро и неговата сопруга, кои сè уште се во затвор во Соединетите Држави.

Лопез: Америка не ја постигна својата цел да ја понижи Венецуела