Селекторот на Франција, Дидие Дешам нема да може да смета на Светското првенство на услугите на одличниот напаѓач на Лајпциг, Кристофер Нкунку.

Нкунку се повреди на тренингот на репрезентацијата на Франција и поради тоа нема да игра на Светското првенство во Катар. Нкунку настрада на вчерашниот тренинг после стартот од Едуардо Камвинга. Веднаш можеше да се забележи дека повредата може да биде проблем, нешто подоцна Франција потврди дека Нкунку нема да биде во конкуренција за настап.

🇫🇷 Nkunku contraint de quitter l’entrainement des Bleus en boitant. pic.twitter.com/yJrL7yHP65

— RMC Sport (@RMCsport) November 15, 2022

Дешам веќе и повика замена за Нкунку, шанса за настап на Мундијалот ќе доби Рендал Коло Муани од Ајнтрахт. 23-годишниот фудбалер така доби прилика после одличните настапи во Германија да биде дел од Мундијалот. Сепак, секако штета за Нкунку кој веќе втора сезона игра во одлична форма.

Инаку Французите се една од селекциите кои имаат најголеми проблеми со повреди бидејќи останаа без Пол Погба, Н’голо Канте и Преснел Кимпембе кој отпадна само на неколку дена пред тргнувањето за Катар. На СП Франција ќе игра во групата „Д“ со Австралија, Данска и Тунис.