Ниту еден од преостанатите, активни битолски кондураџии од 21 век нема свој професионален наследник, а од некогашните 150 кондураџии и 37 дуќани на опинчари, денес во Битола се останати само четворица.

„Младите повеќе сакаат да работат на компјутер… и да зборуваат англиски“, вели мајстор Диме, додавајќи дека на огласите за вработување кои ги објавиле некои од неговите колеги, никој воопшто не се јавил ниту да праша колкава е платата.

Тој вели дека наспроти напливот на евтини обувки од Кина, сепак има работа и луѓето носат чевли за поправка, но во Битола нема доволно чевлари.

„Да сме здрави и живи и да работиме и во 2025-та. Да нè послужи здравјето и ако можеме, да работиме“, порачува битолскиот мајстор во прилогот на телевизијата „Тера“: