Порака во шише напишани од австралиски војник неколку дена по неговото заминување со брод на фронтот во Франција за време на Првата светска војна е пронајдена повеќе од еден век подоцна на брегот на Австралија.

Шишето од марката „швепс“ е пронајдено веднаш над линијата на водата на плажата Вартон во близина на Есперанс во државата Западна Австралија од страна на Питер Браун, кој со својата ќерка Фелисити бил на една од редовните семејни експедиции со квадбајк за чистење на плажата од ѓубре, потврди неговата сопруга Деб Браун, пишува „Еј-би-си“.

– Многу чистиме на нашите плажи, па никогаш не би поминале покрај парче ѓубре. Значи, ова мало шише само стоеше таму чекајќи нè да го собереме – рекла Деб Браун.

Внатре во проѕирното дебело стакло имало писмо напишано со молив од војникот Малколм Невил (27), датирано на 15 август 1916 година.

Неговиот воен брод „HMAT A70 Ballarat“ тргнал од Аделаида, главниот град на Јужна Австралија, на 12 август истата година, на долго патување до другата страна на светот, каде што австралиските војници требало да го зајакнат 48-от австралиски пешадиски баталјон на Западниот фронт во Европа.

Невил бил убиен во акција една година подоцна, а Харли бил ранет двапати, но ја преживеал војната, само за да умре во Аделаида во 1934 година.

Невил го замолил оној што ќе го најде шишето да го достави писмото до неговата мајка Робертина Невил во Вилкават, сега практично град на духови во Јужна Австралија, додека Харли, чија мајка починала до 1916 година, напишал дека ќе биде среќен ако оној што ќе го најде шишето ја зачува неговата порака.

Невил ѝ пишал на мајка си дека „се забавувам навистина добро, храната е навистина добра досега, со исклучок на еден оброк што го закопавме во морето“.

Бродот „се креваше и се тркалаше, но ние сме среќни како Лари“, напишал Невил, користејќи сега заборавен австралиски колоквијализам што значи многу среќен.

Внуката на Харли, Ан Тарнер, рекла дека нејзиното семејство било „апсолутно вчудовидено“ кога ја пронашле пораката на нејзиниот дедо во шише.

„Едноставно не можеме да веруваме. Навистина изгледа како чудо и навистина се чувствуваме како дедо ни се обратил од гробот“, изјавил Тарнер за Австралиската радиодифузна корпорација.

Правнукот на Невил, Херби Невил, рече дека неговото семејство било обединето од „неверојатното“ откритие.

„Звучи како да бил доста среќен што отишол во војна. Толку е тажно што се случило. Толку е тажно што го загубил животот. Каков човек беше“, рекол Херби Невил.

 

View this post on Instagram

 

A post shared by 7NEWS Sydney (@7newssyd)