Денеска во 10 коло од најсилното италијанско фудбалско првенство составот на Каљари триумфираше со 4:3 на домашен терен, иако до 72 минута имаше негатива од 0:3.

Фросиноне поведе во 23 минута преку Суле, па истиот играч ја зголеми предноста во 37 минута, а на стартот од вториот дел третиот погодок на гостите го реализираше Брешианини.

Ористанио во 72 минута го започна пресвртот на домаќните, потоа во 76 минута Макумбу намали на 2:3, за израмнување се погрижи Паволети (90+4`), а истиот фудбалер го постави конечниот епилог во 96 минута.

Триумфот на домашната екипа можеше да биде поголема доколку во 30 минута Мансоку беше прецизен од белата точка.

Инаку ова е само првата победа сезонава за Каљари во Серија А, додека Фросиноне веќе го претрпе третиот пораз на последните четири натпревари.