Кражба што ќе остане запаметена во историјата поради „превозното средство“ за бегство што го користел сторителот се случила во Турција.

26-годишниот крадец ограбил златарница кршејќи ги капаците со виљушкар што го украл. Осомничениот, кој ги превртел полиците и одзел 150 грама накит, бил снимен на безбедносните камери како го товари украденото злато на магаре што го донел со себе и бега, пренесува Си-ен-ен турк.

Кражбата е снимена од безбедносните камери.

26-годишниот М.Ч. бил уапсен неколку часа по кражбата, а полициските службеници ја пронашле украдената стока што ја закопал на парцела.