Премиерот Христијан Мицкоски даде објаснување зошто имало се повеќе пожари во државата. Тој во синоќешното гостување во емисијата „Објектив“ на Македонската телевизија рече дека пожарите се ширеле бидејќи веќе немало стока по планините да ја пасат тревата.

„За жал тоа е една од причините зошто ни се шират пожарите, затоа што немаме стока по планините да пасат трева и затоа ни е тревата бујна. Сега ќе се суши, топло е и ќе почнат пожарите. Друго е порано, многу стока по планините, илјадници, десетици, стотици илјади грла ја пасат тревата и помала е можноста за пожари. Сега бујна вегетација, топло време, се суши, мала искра и бувнува, бувнува пожар.

Тука малце треба да се поработи…но за жал се помалку луѓе се занимаваат со сточарство, помалку овчари иако е многу добро платена професија – две ипол илјади евра е месечен надомест за овчарите, но се помалку луѓе се занимаваат со тоа. Лично го следам, не дека сум сештолог“ рече Мицкоски.

Мицкоски беше во друштво на новинари и политички аналитичари со кои разговараше и одговараше на прашања на различни теми.

Мицкоски: Амандманот за „модерни“ македонска нација и јазик е преседан