Денеска во осминафиналето од Купот на Италија фудбалерите на Наполи претрпеа срамен пораз пред своите навивачи.

На стадионот „Диего Армандо Марадона“ во Неапол играчите на тренерот Валтер Мацари со 4:0 беа совладани од Фросиноне.

Во составот на „наполитанците“ не беше македонскиот репрезентативец Елиф Елмас кој се поврзува со можен трансфер во редовите на германскиот Лајпциг.

Во текот на првото полувреме домаќините постигнаа гол во 37 минута преку Симеоне, но поради играње со рака истиот беше поништен.

Дебаклот на Наполи се случи во вториот дел, гостите првиот гол го реализираа во 65 минута кога радост им донесе Баренеча, потоа за 2:0 се погрижи Касо во 70 минута, а уште два гола беа постигнати во финишот кога стрелаа Чедира (90+1`) и Харуи (90+5`).

Фросиноне во четвртфиналната фаза од куп натпреварувањето ќе игра со победникот од дуелот Јувентус – Салернитана.