Квалификацискиот турнир за млади кошаркари во организација на Евролига доживеа неочекуван и драматичен прекин поради безбедносната состојба на Блискиот Исток.

Домаќин на натпреварувањето е Абу Даби, каде што настапуваат младинските тимови до 18 години на Реал Мадрид, Жалгирис, Арис, Монако, Дубаи, Абу Даби, Лондон и Валенсија.

Во моментот кога се играше дуелот меѓу Монако и Арис, пристигнаа информации за ракетен напад на Иран врз американски воени бази на Блискиот Исток, меѓу кои и објект лоциран во Абу Даби. Поради безбедносни причини, организаторите веднаш ја прекинаа средбата.

Набрзо потоа, од Евролигата излегоа со кусо соопштение во кое информираа дека турнирот е прекинат до дополнителна проценка на ситуацијата, при што безбедноста на играчите и стручните штабови е ставена на прво место.

The Next Gen Euroleague in Abu Dhabi has been suspended 🚨

The tournament was halted during the AS Monaco vs. Aris game.pic.twitter.com/GlQwbgUuJ3

— BasketNews (@BasketNews_com) February 28, 2026

ВИДЕО | Паника на улица во Катар – проектил експлодира во близина на минувачи

МНР: Деветмина Македонци побараа евакуација од Израел, небото останува затворено до понеделник