Галатасарај запиша уште една победа во Лигата на шампионите и по славјето над Ливерпул, вечерва на домашен терен го совлада и норвешкиот Бодо Глимт со 3-1.

Турскиот шампион доминираше на теренот од првата до последната минута, прикажувајќи сигурна и зрелa игра. Пресуден фактор во првото полувреме беше Виктор Осимен, кој со два гола обезбеди преднот на полувремето од 2-0.

Во вториот дел, Акгун погоди во 60. минута и го зголеми водството на 3-0, а единствениот погодок за гостите го постигна Хелмерсен во 76. минута, кој само го ублажи поразот на својот тим.

Со истиот резултат заврши и средбата меѓу Атлетик Билбао и Карабах. Гостите од Азербејџан отворија со погодок уште во првата минута, но „лавовите“ од Билбао не дозволија изненадување. Гурузета го израмни резултатот пред крајот на првото полувреме, а потоа Наваро донесе водство, по што Гурузета повторно се запиша во листата на стрелци и ја потврди победата на шпанскиот претставник.

Преземено од: Спорт.ком.мк