ВИДЕО | „Му кажав дека ќе го истепам“: Додик пред камери му се закани на евроамбасадорот Сатлер
Камерите денеска забележаа како претседателот на Република Српска Милорад Додик во неформален разговор со коалициските партнери рече дека „ќе го истепа“ шефот на делегацијата на Европската унија во Босна и Херцеговина, Јохан Сатлер.
Ова се случи пред почетокот на состанокот на владејачката коалиција, во моментот кога снимале и фоторепортери, пренесе „Нова.рс“.
"Ja ću Satlera istući", rekao je Milorad Dodik na sastanku sa liderima stranaka vladajuće kolicije. Predsjednik Republike Srpske zaprijetio je šefu Delegacije Evropske unije zbog stava o pitanju imovine. @N1infoSA pic.twitter.com/Nm3JKIQV9t
— Mladen Vujinović (@M_Vujinovic) March 31, 2023
Во дискусијата за државниот имот, Додик рече дека тоа во моментов е клучно прашање и дека не може да се разговара за тоа.
„Значи, гледате што вели (американскиот амбасадор Мајкл) Марфи, мора да се донесе закон со кој Парламентарното собрание ќе одлучи да се стави на располагање на Република Српска. Молам?“, рече Додик.
На забелешката на Стевандиќ дека истото го зборува и шефот на делегацијата на ЕУ во Босна и Херцеговина, Јохан Сатлер, Додик рече:
„Па, тие го кажуваат истото. Ќе го истепам Сатлер, ќе видиш. Му кажав дека ќе го тепам“, рече Додик, кој можеби не беше свесен дека камерите го забележуваат и тонот.
