ВИДЕО | Морачанин: Ја поддржуваме иницијативата за лична употреба на канабисот

Под слоганот #ЛегализацијаСега, Здружението за канабис и зелени политики „БИЛКА“ на 30-31 октомври го организира првиот Македонски канабис форум, кој поради состојбата со ковид пандемијата ќе биде во онлајн формат.

-Форумот ќе се состои од прес конференција на која ‘БИЛКА’ ќе ги презентира своите барања пред јавноста во насока на подобрување на законските регулативи за медицински канабис и во насока на легализација на канабис, соопштуваат од „БИЛКА“.

„БИЛКА“ бара декриминализација на канабис преку измени во Законот за контрола на опојни дроги и психотропни супстанци и Кривичниот Законик со законско детерминирање на количина за лична употреба од педесет грама. Потоа, бришење на кривична евиденција на уживатели на канабис судени за „намера за продажбa“.

-Легализација на канабис како нормален тек по декриминализација. Дозволено одгледување на до десет стебла за медицински цели од лица кои имаат дијагнози кај кои канабисот може да помогне и три растенија за рекреативни цели. Задолжителна регистрација при државно тело, соопштува Здружението.

Претседателката на ДОМ, Маја Морачанин

-Ние како зелена партија ја поддржуваме иницијативата за лична употреба на канабисот. Работиме на легализаја на употребата на канабис како право на личен избор. Канабисот не би требало да се споредува со другите психотропни супстанци, изјави за „Утрински брифинг“ на Слободна ТВ претседателката на ДОМ, Маја Морачанин.

-Кај нас не е криминализирана личната употреба. Кај нас се казнува производството и пуштање во промет. Личната употреба се санкционира со Закон за прекршоци. Но она што го гледаме во пракса, проблемот е што тука следува обвинение дека канабисот бил наменет за производство и пуштање во промет, па така овие луѓе добиваат затворски казни, вели Морачанин.

Целиот разговор со претседателот на ДОМ, Маја Морачанин погледнете го во видеото: 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот