Момче решило да ја запроси својата девојка на необичен начин. Јаков патувал со својата избраничка Мина со авионот на „Ер Србија“ за Париз, но како што растела неговата нетрпеливост, дошол на одлична идеја – да ја запроси девојката во авионот. Тој побарал од капетанот и екипажот да му помогнат да го реализира тоа.

„Почитувани патници, капетанот ви зборува, се надевам дека ќе уживате во летот. Сега имаме непланирана, но многу убава најава. Еден од нашите патници ќе ѝ постави важно прашање на својата девојка. Во име на целиот екипаж на ‘Ер Србија’ и јас, ве молам поддржете го. Јаков, во авионот има 139 сведоци на твојата љубов! Среќно!“, рекол капетанот.

Во следните моменти Јаков ја запросил својата девојка, што било проследено со аплауз од сите патници, а персоналот во авионот подготвил шампањ за младиот пар.

„Кога имаш важно прашање да поставиш, нетрпеливоста расте. Јаков едвај чекаше да стигне до Париз и реши да ја запроси својата девојка во авионот. Со мала помош од капетанот, екипажот и 139 патници на летот JU314 на ‘Ер Србија’, Мина рече „да“”. Мина и Јаков, среќни сме што сме дел од вашите спомени. Среќно и уште многу, многу години да летате со нас како семејство”, го објави овој романтичен момент на својот Инстаграм профил „Ер Србија“.

Видеото можете да го погледнете ТУКА.