Реал Мадрид се радуваше на победа во градската пресметка со Атлетико Мадрид, славејќи со 3-2 во динамичен натпревар од 29. коло во Ла Лига.

Гостите први стигнаа до предност, кога во 23. минута Адемола Лукман ја затресе мрежата за 0-1. Сепак, „кралевите“ во вториот дел целосно го свртеа текот на средбата. Брахим Дијаз избори пенал, кој сигурно го реализираше Винисиус Жуниор за израмнување. Набрзо потоа, Феде Валверде донесе пресврт и водство од 2-1.

Атлетико не се предаде и се врати во игра преку одличниот погодок на Науел Молина, но радоста на гостите траеше кратко. Винисиус повторно стапи на сцена и со својот втор гол на мечот ја врати предноста за Реал.

Финишот донесе дополнителна неизвесност откако Валверде во 77. минута беше исклучен, па домаќинот остана со играч помалку. И покрај тоа, Реал Мадрид успеа да ја задржи контролата и да ги освои трите бода во едно од најжестоките дербија во шпанскиот фудбал.

ВИДЕО: Молина со еврогол за ТВ-шпици донесе три бода за Атлетико Мадрид