Трагедија ја потресе турската јавност откако младиот фудбалер Кубилај Кундакчи го загуби животот во вооружен инцидент, во кој, според медиумите, индиректно е вмешана и популарната пејачка Алејна Калајџиоглу.

Според првичните информации, нападот се случил во текот на ноќта кога група напаѓачи пристигнале со две возила и отвориле оган. Во престрелката, Кундакчи бил тешко ранет, по што итно бил пренесен во болница. И покрај напорите на лекарите, неговиот живот не можел да биде спасен.

Истрагата сè уште е во тек, а дел од турските медиуми пренесуваат дека зад нападот наводно стои новиот партнер на пејачката. Во меѓувреме, Калајџиоглу е приведена, додека надлежните органи се обидуваат да ја расветлат целата позадина на овој шокантен случај.

 

View this post on Instagram

 

A post shared by Demirören Haber Ajansı (@dha)