Французинот Вембањама одигра феноменален натпревар и го предводеше Сан Антонио до победа од 115-108 против Минесота, со што Спарс поведоа со 2-1 во серијата.

Вемби беше незадржлив на паркетот и мечот го заврши со одличен двоен учинок од 39 поени и 15 скокови. Поддршка доби од Фокс кој постигна 17 поени, запиша пет асистенции и три скокови, додека Касл и Васел додадоа по 13 поени.

Кај Минесота, најдобар поединец беше Едвардс со 32 поени, 14 скокови и шест асистенции, а се истакна и Рид со 18 поени, девет скокови и пет асистенции.

Во вториот натпревар од вечерта, Њујорк славеше и на гостувањето кај Филаделфија со 108-94 и поведе со убедливи 3-0 во серијата, па сега е на само еден триумф од пласман во следната рунда.

Брансон беше лидер на Њујорк со 33 поени, девет асистенции и пет скокови, додека кај Филаделфија најдобар беше Убри со 22 поени и осум скокови.