Во говорите на учесничките на денешниот осмомартовски протест во Скопје, беше потенцирана економската нееднаквост на жените, нивната небезбедност и како тоа во македонското општество е нормализирано.

Една од говорничките, Калиа Димитрова, јавно ги прозва министерот за внатрешни работи Панче Тошковски и премиерот Христијан Мицкоски.

„Како не ви е срам да се појавите на говорница по рекорден број на убиства на жени, на кои им претходело пријавувано насилство и по кои не се постапувало соодветно и да ни порачате да пријавуваме и да не ги повлекуваме пријавите? Премиере, како не ви е срам да не ги знаете законите на земјата што ја водите? Институциите имаат службена должност да постапуваат и да ги заштитат жените жртви на насилство. Особено оние што живеат во висок ризик. Министре, Росица директно ве контактираше очајно барајќи заштита додека животот ѝ висел на конец. Како не ви е срам да продолжите со вашите денови, говори, функции… и да не изразите сочувство?“, праша Димитрова.

ФОТО+ВИДЕО: „Нема да нè снема“ – голем број граѓанки и граѓани на осмомартовскиот протест против насилството врз жените