Аргентинскиот фудбалски гениј и за многумина најдобар на сите времиња, Лионел Меси, продолжува да воодушевува со настапите во САД. Тој изминатата ноќ беше херој на Интер Мајами на гостувањето кај Орландо Сити.

Тимот од Флорида славеше по голем пресврт со 4-2, а Меси со два погодоци беше централна фигура на натпреварот. Еден од неговите голови беше вистинска мајсторија од слободен удар.

 

View this post on Instagram

 

A post shared by Fabrizio Romano (@fabriziorom)

Според информациите што ги објави познатиот новинар Фабрицио Романо, Меси во овој момент се наоѓа на четвртото место на вечната листа по бројот на постигнати голови од слободни удари. Во својата кариера Аргентинецот има реализирано 70 погодоци од вакви ситуации.

Пред него на листата се тројца Бразилци на третата позиција е Жунињо Пернамбукано со 72 гола од слободни удари, втор е Роберто Динамита со 75, додека рекордер е Марселињо Кариока со 78 постигнати голови од прекини.