Мексиканските власти уапсија наводен водач на картелот Синалоа, кој е обвинет од САД за „наркотероризам“, соопштија федералните власти, пренесува Баронс.

Педро Инсунза Нориега беше обвинет од страна на американската влада во мај, за „наркотероризам“, трговија со фентанил, кокаин, хероин и перење пари , како дел од мерките на претседателот Доналд Трамп против картелите кои го преплавуваат американскиот пазар со дрога.

Feliz Año Nuevo!, Fuerzas Federales detuvieron en Culiacán a Pedro Inzunza Noriega, “Sagitario” o “El Señor de la Silla” segundo al mando del grupo del Chapo Isidro (Informacion en el enlace) https://t.co/aP98eTEpnH pic.twitter.com/PgV0yEVCKJ

— Blog del Narco México (@blogdelnarcomex) January 1, 2026

Тој беше втор човек по команда на Организацијата Белтран Лејва, фракција на картелот Синалоа за која се верува дека е вклучена во производството на фентанил, кокаин, метамфетамин и хероин.

Неговиот син, Педро Инсунза Коронел, исто така обвинет од Вашингтон за трговија со фентанил, беше убиен од мексикански војници во ноември за време на операција во истата држава, Синалоа.

Министерството за правда на САД поднесе обвиненија за „наркотероризам“ и „материјална поддршка за тероризам“ против Педро Инсиње Нориега и неговиот син, првото против водач на криминална организација поврзана со картелот Синалоа.

Вториот беше прогласен во февруари, како и другите мексикански мафијашки организации, за „странска терористичка организација“ од страна на администрацијата на Трамп.

Внатрешна војна меѓу две фракции на картелот одзеде животи на стотици луѓе од септември 2024 година во државата Синалоа.

Откако се врати на функцијата во јануари 2025 година, американскиот претседател Трамп постојано му се закануваше на Мексико со драматично зголемени царини доколку не го намали протокот на дрога и мигранти во неговата земја.

Неговата мексиканска колешка Клаудија Шајнбаум, под притисок, успеа да спречи воведување генерализирани царини и зголемени апсења на осомничени и запленувања на контролирани супстанции.