ВИДЕО | Мечка нападна четворица луѓе во Јапонија, па избега
Мечка повредила четворица луѓе во станбена област во градот Фукушима на североистокот на Јапонија. Ова е најновиот во низата напади во дел од земјата каде што мечките сè почесто влегуваат во населени области во последните години, објави „Еуроњуз“.
Препорачано
Полицијата и пожарникарите брзо се упатиле кон местото на нападот во областа Сасакино, откако бил пријавен напад врз двајца вработени. Снимките од безбедносните камери покажуваат црна мечка како брка вработен во близина на влезот. Додека човекот во своите 20-ти години се обидува да избега, мечката го соборува на земја. Потоа животното влегло во фабричкиот комплекс и повредило друг работник, човек во своите 60-ти години.
【動画】福島市内でクマに襲われ4人けが 住宅街周辺、近隣の学校は臨時休校https://t.co/kdFhW7eOjH
クマは20代と60代の男性従業員を襲ったあと、北側の住宅地に向かい、住人の80代女性に襲いかかった。 pic.twitter.com/tBdbCBb9M6
— 朝日新聞デジタル編成席 (@asahicom) June 2, 2026
Мечката нападнала и трето лице, вработен во друга компанија, исто така на возраст од 60 години. Противпожарната служба на градот Фукушима извести дека е повредена и 80-годишна жена од соседството. Тројцата мажи претрпеле полесни повреди, а жената умерени повреди, но ниту една не била опасна по живот.
Мечката се уште не е фатена. Се верува дека се наоѓа во комплексот на друга компанија, кој е опколен од полицијата. Две училишта во близина се затворени, вклучувајќи го и основното училиште Нода, кое ја префрли наставата преку интернет и издаде предупредување до жителите да „избегнуваат непотребни излети и да останат безбедни“. Нападот ги вознемири жителите и ги оживеа стравовите од минатата година, кога војската беше повикана да се справи со нападите на мечките на северот од земјата.
Во префектурата Акита, минатата година беа нападнати повеќе од 60 лица, од кои четворица починаа. Според Министерството за животна средина на Јапонија, 2025 година била рекордна година со повеќе од 230 напади од мечки, во кои 13 лица ги загубија животите.
Експертите велат дека зголемените напади од страна на растечката популација на мечки се случуваат во регион со брзо стареење и намалување на популацијата и помалку луѓе обучени да ловат животни.
