Фудбалерите на ПСЖ го совладаа Марсеј на „Веледром“ со 3:0 во дербито од 25 коло од „Лига 1“. Оваа средба одлучуваше дали ќе добиеме поинтересна шампионска трка или екипата од францускиот главен град ќе се одвои на повеќе од пет бода, кои ги имаа пред овој натпревар.

Јасен одговор добивме од тимот на Кристоф Галтие, предводен од дуото Лионел Меси – Килијан Мбапе. Двајцата искомбинираа во сите три постигнати голови за париските „светци“.

Најпрвин Меси во 25 минута Меси му асистираше на Мбапе, а четири минути подоцна улогите беа сменети за зголемување на водството

Последниот гол беше и најубав, само прашање е дали беше гол или асистенција. Во 55 минута Меси мајсторски ја подигна топката над одбраната на Марсеј и го пронајде брзоногиот Мбапе, кој мајсторски ја заврши оваа акција.

Составот на Галтие во најквалитетната француска фудбалска лига по 25 кола е првопласиран во генералниот пласман со 60 бодови, осум повеќе од второпласираниот Марсеј, а по 50 имаат Монако и Ленс, на третата, односно четвртата позиција.