ВИДЕО | Мараја Кери го најави доаѓањето на Божиќ: Видеото собра 24 милиони прегледи за осум часа
Светската пејачка ѕвезда Мараја Кери традиционално на социјалните мрежи објавува видео со кое ја најавува празничната сезона, кога нејзината божиќна песна ќе се слуша насекаде.
„Време е“, напиша таа во описот на видеото, во кое од сцена за Ноќта на вештерките на 31 октомври преминува во божиќна атмосфера на 1 ноември. Околу неа има статисти облечени во џемпери со божиќни мотиви, а Мараја носи црвен комбинезон.
@mariahcarey It’s…… TIME!!! 🎃🧊🎄 #MariahSZN ♬ original sound – Mariah Carey
Секако, во позадина се слуша нејзиниот најголем божиќен хит „All I Want For Christmas Is You“. Видеото за осум часа собра 24 милиони прегледи и над пет милиони лајкови.
Инаку омилената божиќна песна „All I Want for Christmas is You“, во изведба на Мараја Кери беше објавена на 29 октомври 1994 година. Пред две години таа песна беше на врвот на Билборд листата на најпопуларни синглови Хот 100. Тогаш медиумите пишуваа дека тоа е неверојатно достигнување бидејќи песната е стара речиси 30 години.
Песната се смета за еден од најголемите празнични хитови, а албумот е најпродаваниот американски божиќен албум на сите времиња, продаден во повеќе од 15 милиони копии ширум светот.