Манчестер jунајтед дополнително ја зацврсти својата позиција на третото место во Премиер лигата, откако на „Олд Трафорд“ славеше над Брентфорд со 2-1.

Натпреварот понуди динамика и неизвесност, со неколку пропуштени можности на двете страни. „Црвените ѓаволи“ ја изградија предноста уште во првото полувреме преку головите на Каземиро и Бенјамин Шешко, но и гостите имаа свои моменти кога можеа да дојдат до погодок.

Брентфорд до намалување стигна дури во самиот финиш, кога Матијас Јенсен погоди во 87. минута, но за комплетен камбек немаше време.

Со новите три бода, Јунајтед се доближи на чекор до пласман во Лига на шампиони. Тимот во моментов има комотна предност од 11 бодови во однос на Брајтон, а веќе во следното коло против Ливерпул може и дефинитивно да го обезбеди своето место меѓу најдобрите пет екипи.