ВИДЕО | Мајка го оставила петгодишното дете само во стан во Солун, цел час фрлало предмети од балконот
Полицијата уапси мајка на петгодишно момче во грчкиот град Солун откако детето, оставено само во стан на шестиот кат од зграда, еден час фрлало предмети од балконот кон улицата, јавува „Катимерини“.
Препорачано
Инцидентот се случил на авенијата „Василеос Георгиу“, каде што минувачи забележале дека од балконот паѓаат разни предмети и ја известиле полицијата.
Според информациите, детето фрлало камења, правосмукалка, кофа, џогер, друштвени игри и карти, при што за среќа нема пријавени повредени луѓе. Полицијата пристигнала на местото и, бидејќи влезната врата била заклучена, успеала да му пријде на детето преку соседен стан.
Кога мајката се вратила дома, била уапсена и се соочува со обвинение за изложување на малолетно лице на опасност.
По налог на обвинител, детето привремено е згрижено кај семејни пријатели додека трае постапката.
Фатален љубовен триаголник во Грција: 20-годишен војник со нож убил син на полицаец поради девојка
