Еден човек е убиен, а еден е ранет во жестока пресметка со пукање која избила откако напаѓачи стрелале од возило кон луѓе во друг автомобил, објави „Бота Сот“.

Според полицијата, денеска околу 14:20 часот се случила пукотница на кружен тек во близина на аеродромот во Тирана. Се пукало кон возилото во кое се превезувале М.Ш. и Г.Д.

Во „мерцедесот“ во кој се возеле, непознати лица пукале од „тојота јарис“, кој бил пронајден изгорен во Фуш Круја неколку минути по инцидентот.

Г.Д. го загубил животот, додека М.Ш. бил ранет и се наоѓа во болница, под медицински надзор, во тешка состојба.

Полицијата го опколила подрачјето, поставила контролни пунктови и продолжува со потрагата по сторителот или сторителите.

На снимката која ја објави „Топ чанел“ се гледа како полицајци и минувачи се обидуваат да стигнат до ранетите во автомобилот, кршејќи ги прозорците.

„Бота Сот“ објавува дека жртвата е Гилмано Дани, „десната рака“ на Емилијан Сулази. Сулази е добро позната фигура во албанското подземје – поранешен студент по медицина кој стана еден од најозлогласените криминални босови во Албанија. Неговото име со години се поврзува со изнуда, трговија со дрога, заплашување и насилство, особено во Тирана и во Драч.