ВИДЕО | Крај на една ера: Игуаин на емотивна прес-конференција објави крај на кариерата!
Славниот аргентински голгетер Гонзало Игуаин во солзи соопшти дека става крај на својата богата кариера.
Денес, како играч на МЛС тимот Интер Мајами Игуаин на прес-конференција ја соопшти одлуката да заврши со професионалното играње на фудбал на крајот од актуелната сезона во САД. На прес-конференција покрај новинарите присуствуваа неговите соиграчи, пријатели и семејството, па беше навистина емотивно.
Игуаин така ја игра последната сезона, а потоа ќе се впушти во други авантури, засега напаѓачот не најави какви се неговите планвои за во иднина.
„Кога ќе помислам со кои играчи сум играл во кариерата се ежам, не ми се верува што постигнав и до кај стигнав. Играв со Роберто Карлос, Роналдињо спроти мене…Ова беше кариера и патување за какво што сонував“, низ солзи зборуваше Игуаин.
Игуаин е еден од малкумината кои можат да се пофалат дека играле и со Роналдо и Месо, беше соиграч и со бразилскиот Роналдо. Пред да го облече дресот на Интер Мајами настапуваше за Милан, Челзи, Јувентус, Наполи, Реал Мадрид и Ривер Плата.
Сезонава во МЛС-лигата има одиграно 26 натпревари и 14 постигнати голови. За репрезентацијата на Аргентина има одиграно 75 натпревари со 31 постигнат гол.