Српската кантавторка и пејачка Ана Ѓуриќ, позната како Констракта, гостуваше во популарниот поткаст „Agelast“ и зборуваше за спорните фотографии кои РТС ги објави на православниот Велигден.

Имено, се работи за фотосесија на која Констракта позира во близина на две мали масички во форма на латиничната буква Z, нешто што многумина го препишаа на т.н. скриена поддршка за Владимир Путин.

 

View this post on Instagram

 

A post shared by Евровизија Србија 🇷🇸 (@srb.eurovision)

Како што вели пејачката, масичките сосема случајно ја добиле формата на буквата Z, бидејќи сакале да постигнат одредена симетрија на фотографиите.

„Сакаме симетрија? Аха, имаме тука две масички, кои се лоша копија на столиците на (Герит) Ритвелд, и уште многу други предмети, некои јајца, некои садови за миење… но, ништо не беше испланирано во тој момент.

Можеби сум игнорантна, но во тој момент не знаев за буквата Z во таков контекст. И се случи фотографијата на која има сешто.

Иако на моменти е застрашувачка и количината на омраза и количината на обожавање која ја добивме, на крајот ми беше забавно“, објасни Констракта.

ФОТО | Констракта мета на критики поради велигденската честитка: Избришете ја објавата!