Мајките за време на празниците носат голем товар, создавање на божиќна магија, одржување на домаќинството, готвење и купување подароци. Токму на оваа тема проговори и Клои Кардашијан која откри дека нејзината мајка, Крис Џенер, во еден период од животот ја заклучувала на таванот за да ѝ помогне со подготовките.

Во гостувањето на својот поткаст „Khloé in Wonder Land“, Крис ја потврди анегдотата за заклучувањето на најмладата ќерка од бракот со Роберт Кардашијан на таванот за време на Божиќ. Во видеото објавено на Инстаграм, мајката и ќерката, облечени во усогласени комбинации, разговараа за празниците.

„Мамо, кога ќе помислам на Божиќ, помислувам на тебе“, започна Клои, на што Крис додаде: „Нашата работа“. Клои рече дека тоа за нив е „светско првенство“.

 

View this post on Instagram

 

A post shared by Khloé Kardashian (@khloekardashian)

Крис призна дека божиќните подароци ги купувала уште во јуни или јули, но кога требало сè да се спакува и украси, понекогаш ѝ била потребна помош.

„Мајка ми секогаш ме тераше да ѝ помагам“, се присети Клои. „Ме натера да одам на таван и да ги виткам сите тие подароци. Ме заклучуваше таму.“

Крис се насмеа и одговори:

„О, Боже! Благодарам што го правеше тоа.“ Потоа додаде: „Мајките за време на празниците навистина стануваат очајни.“