Градската пресметка во Лос Анџелес, Клиперси во 105:102 ги совладаа Лејкерси. Првото полувреме им припадна на Клиперси,но Лејкерси во третата четвртина која ја добија со 15:31 се вратија во игра. Во последната четвртина, во неизвесна завршница Клиперси со поени од линијата за слободни фрлања на две секунди до крајот.

Дури седум кошаркари на ЛА Клиперс постигнаа двоцифрен број поени, а најефикасен беше Теренс Мен со 19 поени и 10 скокови. Кај Лејкерси се истакнаа Леброн Џејмс со 21 поен и 11 скокови и Расел Вестбрук и Кармело Ентони кои дадоа по 18 поени.

Јута џез со 114:109 го совлада Далас маверикс. Донован Мичел ја предводеше Јута со 33 поени, Бојан Богдановиќ даде 18 поени, а Руди Гобер оствари дабл-дабл од 14 поени и 17 скокови. Кај Далас најрасположен за игра беше Лука Дончиќ со 23 поени и 11 асистенции.

Џејмс Харден со победа дебитираше за Филаделфија отако неговиот тим беше подобар од Минесота со 133-102. Харден постигна 27 поени на кои додаде и 12 асистенции и 8 скока, додека Џоел Ембид постигна 34 поени и имаше 10 скока.

Њу Орлаенс стави крај на серијата од осум победи по ред Феникс откако славеше со 117-102. Меколум го предводеше својот нов тим со 32 поени, додека Букер постигна 30 поени за „сонцата“.

Резултати:
Шарлот – Торонто 125:93
Индијана – Оклахома сити 125:129
Орландо- Хјустон 119:111
Вашингтон – Сан Антонио 153:157
Њујорк – Мајами 100:115
Минесота – Филаделфија 102:133
Феникс – Њу Орлеанс 102:117
Јута – Далас 114:109
ЛА Лејкерс – ЛА Клиперс 102:105