Марија Ивановска и Бојан Трајковски од дуото „Ај кју“ ќе станат родители. Музичкиот пар ја сподели радосната вест преку забавно видео на социјалните мрежи, во кое Марија најпрво покажува позитивен тест за бременост, а потоа и трудничко стомаче.

Двојката, која со години е заедно и која во 2018 година ја претставуваше Македонија на Изборот на песна за Евровизија, повторно ги израдува своите следбеници, овојпат со вест дека го очекува своето прво дете.

Во видеото двајцата глумат изненадување од резултатот на тестот, а потоа Марија го открива трудничкото стомаче.

„’Ај кју’ со нов член? Да не треба уште некој тест?“, напишаа тие во описот на објавата.

Следбениците веднаш ги преплавија со честитки и убави желби, а меѓу коментарите се издвои и пораката: „Ајдееееееее кој чека ќе дочека и ние еве дочекавмееее! Честиткииииии!!! Јееееј!!!!“.