Фудбалерите на Баерн Минхен ја оправдаа фаворитската улога на гостувањето кај Дармштад со 5:2 во рамките од 26 коло во Бундес лигата.

Поведоа домаќините со голот на Скарке во 28 минута, а израмнувањето се случи во 36 минута со погодокот на Мусиала.

Непосредно пред паузата за 2:1 предност на баварскиот гигант се погрижи Кејн (45+1`). Англичанецот воедно постави рекорд, односно стана првиот играч со 31 реализиран гол во неговата дебитантска сезона во Бундес лигата.

Исто така 31 гол за Кејн е најдобар учинок во една лигашка сезона – надминувајќи го билансот од 30 премиерлигашки погодоци кога го носеше дресот на Тотенхем.

Мусиала во 64 минута ја зголеми позитивата на Баерн во 64 минута, а за 4:1 се погрижи Гнабри во 74 минута. Во листата на стрелците за клубот од Минхен се запиша и Тел (90+3`), а пред крајот на мечот домаќините постигнаа уште еден гол преку Вилхелмсон (90+5`).

На табелата Баерн е второпласиран со 60 бодови, седум помалку од водечкиот Баер Леверкузен кој има меч помалку. Дармштад е на последната 18 позиција со 13 бодови.

Во другите денешни мечеви: Хејденхајм – Б. Менхенгладбах 1:1, Мајнц – Бохум 2:0, Унион Берлин – Вердер Бремен 2:1 и Волфсбург – Аугсбург 1:3.