ВИДЕО | Кадиров покажа како се прават склекови во живо на телевизија
Низ социјалните мрежи се прошири видео од чеченскиот лидер Рамзан Кадиров како прави склекови за време на гостувањето во емисија на руската телевизија. Видеото го објави американската новинарка Џулија Дејвис, која ги следи руските медиуми и објавува клипови со превод за да ја приближи руската пропаганда до западната публика.
„Во меѓувреме во Русија, Рамзан Кадиров реши да ги импресионира сите обидувајќи се да направи склекови“, напиша Дејвис кадарот.
Meanwhile in Russia: Ramzan Kadyrov decided to impress everyone by attempting to do some push-ups.
— Julia Davis (@JuliaDavisNews) December 29, 2022
Во телевизиското студио беше и придружбата на чеченскиот лидер, која со аплауз ги поздрави неговите склекови. Кадиров е силен поддржувач на руската инвазија на Украина, а на почетокот на октомври најави дека во војна ќе испрати тројца негови малолетни синови. Неколку недели по таа објава, тој сподели видео од неговите тројца малолетни синови како му носат „подарок“ од бојното поле, тројца затвореници.
Украинската служба за безбедност во средината на ноември распиша потерница по Кадиров, а информациите за тоа беа споделени на веб-страницата на украинското Министерство за внатрешни работи. Кадиров беше обвинет по три точки, вклучително и водење агресивна војна и извршување намерни дејствија насочени кон промена на границите на украинската територија.
ВИДЕО | „Сакам да умрам… и јас, и моите деца“: Рамзан Кадиров објави бизарна снимка
