ВИДЕО: Јувентус си обезбеди полуфинална пресметка со Интер во италијанскиот Куп
„Старата дама“ е третиот полуфиналист во Купот на Италија откако без проблеми со 4:0 го совлада Спал.
Јувентус настапи без неколку стандардни првотимци, а меѓу нив беше и Кристијано Роналдо, но без проблеми ја оправда фаворитската улога.
Јувентус поведе уште во 16. минута со голот на Алваро Мората, а во 33. минута Фаброта зголеми на 2:0. Во второто полувреме, прво Кулушевски во 78. минута зголеми на 3:0, а Федерико Киеза во судиското продолжение го постави конечниот резултат и си обезбеди полуфинална пресметка со Интер.
Првиот натпревар ќе се игра на 3. февруари на „Џузепе Меаца“, а реваншот е закажан за една недела подоцна.
Пласман во полуфиналето обезбеди и Аталанта кој а и со 10 фудбалери го совлада Лацио со 3:2. Во 54. минута при резултат 2:2 беше исклучен Паломино, но само три минути подоцна Миранчук го постигна победничкиот гол. Во продолжение од натпреварот, Запата пропушти одлична можност во 67. минута да ја зголеми предноста, но го промаши пеналот.
Во првото полувреме Џимшити и Малиновски беа прецизни за Аталанта, додека Муричи и Ачерби погодија за Лацио.
Аталанта во полуфиналето ќе игра против подобриот од дуелот Наполи – Специја кој ќе се игра утревечер.