Јутјуберот Мајк Кори бил на тридневна мисија во мексиканската џунгла на полуостровот Јукатан за да пронајде урнат авион кој наводно му припаѓал на Пабло Ескобар. Според евиденцијата, авионот се урнал во 1996 година кога превезувал голема пратка со дрога.

Авионот бил откриен 13 години подоцна, а властите не знаеле што се случило со авионот и екипажот. Товарот кој бил во авионот мистериозно исчезнал. Иако се зборуваше дека му припаѓа на Ескобар, тоа никогаш не беше официјално потврдено, а авионот не беше отстранет.

Кори и неговиот тим отишле длабоко во џунглата во близина на градот Селестун. Авионот е опкружен со мангрови и речиси е невозможно да се стигне до него. Покрај тоа, оваа џунгла е позната по опасните животни и отровните змии. По три дена пешачење и бројни предизвици, неговиот тим го пронашол авионот.

„Многу сме среќни што успеавме“, рече Мајк.

Интересно е што седиштето на пилотот, воланот и прозорецот се непроменети, а авионот изгледа како да е ишаран со куршуми. Во близина на крилата пронашол и неколку буриња. Остатокот од авионот бил празен.

Ескобар беше убиен за време на престрелка со колумбиската полиција и ДЕА во 1993 година. Тој беше познат како „кралот на кокаинот“ и основач на картелот Меделин.