Инженерите и дизајнерите на производи во јапонскиот производител на спортска опрема Молтен и дизајнерското студио Нендо развија фудбалска топка што не се дуе туку се склопува од пластични делови, наменета за децата во неразвиените земји, јавуваат медиумите.

Новата топка и нејзините технички својства беа претставени денеска во Хирошима.

Топката не треба да се полни со воздух и не може да се дупне, а целокупниот производ има и едукативна компонента со склопувањето, велат инженерите кои ја создадоа.

„Децата можат да го вклучат учењето ако сами ја склопат топката. На овој начин, придонесуваме кон едукацијата и децата ќе искусат чувство на оствареност поради тоа што успеале да ја склопат самите,“ вели Јун Учида од Молтен.

„Мојот фудбалски прибор“, како што се вика новиот производ, нема да биде достапен за купување и ќе им биде поделен само преку партнерски компании на „деца во земјите во развој и на други места“, според компанијата.