Рушењето на куќата на Палестинецот, кој беше обвинет за смртоносен напад на 2-ри мај над Израелци на Западното крајбрежје, синоќа беше остро осудено од страна на САД, кои се против таквите казнувања.

Израелските сили вчера ја срушија куќата на Мунтасер Шалаби кој има американско државјанство, иако неговата сопруга изјави дека тој во таа куќа „доаѓал ретко, само за да си ги види неговите три деца“.

„Куќата на едно цело семејство не треба да се сруши поради постапките на една личност“ изјави потпаролот на Стејт департментот Нед Прајс, оценувајќи дека со рушењето на куќата Израелците само ја зголемуваат тензијата меѓу двата народа.

Израел тврди дека Шалави на 2-ри мај од автомобил убил израелски студент, а потоа ранил и уште двајца Израелци. Два дена по нападот тој беше уапсен.

Неговата сопруга вели дека тој повеќе време поминува во Мексико, каде се оженил со уште три жени. Таа за израелските медиуми изјави дека не знаела за нападот на Шалаби и за неговите планови.