Болоња приреди големо изненадување на гостувањето кај Наполи и славеше со 3-2 во рамки на 36. коло од Серија А.

Гостите одлично го отворија натпреварот и поведоа уште во 10. минута преку Бернардески, додека Орсолини од пенал во 34. минута ја зголеми предноста на Болоња на 2-0.

Наполи успеа да се врати пред паузата, откако Ди Лоренцо намали на 1-2, а веднаш на стартот од второто полувреме Алисон Сантош донесе израмнување за домашниот состав.

Македонскиот репрезентативец Елиф Елмас доби шанса од клупата и во игра влезе во 76. минута, но и покрај притисокот на Наполи во финишот, домаќините не успеаја да стигнат до пресврт.

Казната за пропуштените шанси пристигна длабоко во судиското продолжение, кога Роув погоди во 91. минута и ѝ донесе голема победа на Болоња.

По овој пораз, Наполи останува на второто место на табелата со 70 освоени бодови и до крајот на сезоната ќе води жестока битка за место во Лигата на шампионите.