Во детската цртана серија „Прасето Пепа“ по 18 години емитување за прв пат беше претставена истополова двојка. Во епизодата емитувана вчера на британскиот Канал 5, поларната мечка Пени рече дека има две мајки.

„Јас сум Пени поларната мечка. Живеам со две мајки. Едната е доктор, а другата готви шпагети. „Сакам шпагети“, рече таа.

Епизодата ги подели мислењата на гледачите. Додека едни на социјалните мрежи го одобруваат претставувањето на истополови парови во цртаната серија, други пишуваат дека тоа е „непримерно“.

Петицијата за емитување на истополова двојка во оваа цртана серија беше покрената во 2019 година. Собрани се речиси 24.000 потписи. Членовите на ЛГБТ заедницата ја нарекоа Пепа Пиг геј икона по објавувањето на нејзиниот албум со песната „Виножито, виножито“.