ВИДЕО ИНТЕРВЈУ | Македон- деветгодишен мал генијалец по математика, се подготвува да студира на Харвард
Македон Димитровски е мал генијалец кој носи медали од натпревари по математика каде и да се појави. Има капацитет на интелигенција од 140 и ништо не му е тешко кога е учењето во прашање. Зборува неколку јазици покрај македонскиот, а планира да студира на Харвард за неколку години. За „Слободен печат“ вели учествувал во натпревари по “математика без граници“ и се натпреварувал со 23.000 деца, од околу 29 држави, поделени во неколку групи и с еразбира севратил со медал.
-Овој натпревар за мене не беше толку тежок, а исто така ми беше многу интересен да го направам- вели Димитровски .
На прашањето што значи да си генијалец, тој одговара дека тоа многу му значи и дека многу работи. Успева да им помогне и на неговите другари и знае многу работи на многу различни теми, математика, астрономија, историја, географија .
-Кога имав четири години, мојот коефициент на интелигенција беше 133, но сега е до 140 или 150. Кога имав четири години, мајка ми и татко ми ме ставија на ај-кју тест, тогаш откривме дека имам 133 коефициент на интелигенција, и од тогаш ми беше јасно колку сум паметен. Знам англиски, македонски, зборувам германски, албански и едно време дански. Планирам за три-четири години да одам во Харвард, каде што треба да полагам еден тест. За тестот ме подготвува ментор од Австралија- вели Македон.
До сега бил на шест или седум натпревари по математика од каде секаде се вратил со медал.
Целото интервју на колешката Агнеза Чаволи погледнете го во продолжение: