Гонзало Игуаин без дилеми е еден од најдобрите напаѓачи на својата генерација, а изминатата вечер со солзи во очите кажа збогум.

Интер Мајами беше поразен во осминафиналето од плеј-офот против Њујорк Сити со 3:0 и овој пораз значеше крај на кариерата за Аргентинецот.

„Сега започнува мојот втор живот, завршив со тоа што најмногу го сакав уште како дете. Половина живот е зад мене и кариера од 17 години. Совеста ми е чиста и заминувам да уживам во нешто ново. Мојата сопруга, ќерката и семејството ме чекаат со нетрпение и затоа многу се радувам“, изјави Игуаин по натпреварот.

Кариерата Игуаин ја завршува на 34 години, а во неа играше во Ривер Плата, Реал Мадрид, Наполи, Јувентус, Челси и Милан. Во дресот на Аргентина одигра 75 натпревари и постигна 31 гол.

Gonzalo Higuaín after his final game as professional football player. 🤍🥲 #Higuain@MLS 🎥⤵️pic.twitter.com/CsxMmipK6L

— Fabrizio Romano (@FabrizioRomano) October 18, 2022