Бројни граѓани во Хрватска изминатите денови се огласија со тврдење дека биле нападнати од морски желки. А сето тоа се случило во околината на Трогир, пишува „Слободна Далмација“.

Но, некои од нив можеби „заслужиле“ да бидат гризнати. ХРТ објави вознемирувачко видео и даде сосема нов поглед на ситуацијата.

Видеото покажува како група мажи малтретираат желка во морето. Мажите ја допираат желката, ја превртуваат и ја влечат во плиткото. Желката се брани, а луѓето околу неа се смеат и ја провоцираат. На видеото може да се види како мажите ја допираат, ја влечат и ѝ го „кинат“ оклопот, перките…

Експертите велат дека желката е мирно животно, не напаѓа луѓе ако не е испровоцирана. Но, оваа дефинитивно е истрауматизирана и секогаш кога ќе дојде кај луѓето, од страв некого „гризе“. И сето тоа благодарение на малтретирачите од оваа снимка, пишува „Слободна Далмација“.