Холандскиот фудбалер Дони ван Иперен (27) заработи тешка повреда при судир со противничкиот голман и се бори за живот.

Ван Иперен настапува за молдавската екипа Зимбру и на натпреварот против Динамо-Аута во второто коло од тамошното првенство, заработи тешка повреда.

Ван Иперен во 11 минута од натпреварот тргна по нафрлената топка во шеснаесетникот на противничкиот тим и во тие моменти дојде до судир со голманот на Динамо кој со рамо го удри Холанѓанецот во главата.

Лекарските екипи веднаш влегоа на теренот и Ван Иперен беше пренесен во болница во Тираспол. Тој е сместен на одделението за интензивна нега и е приклучен на респиратор.

Ван Иперен од оваа година настапува за Зимбру, а претходно две години играше за Караискакис, додека во родната Холандија настапуваше за вторите екипи на АЗ Алкмар и Камбур, а потоа и за Телстар и Го Ахед Иглс.